पुरोगामी विचारांचा जागर | Purogami Vicharancha Jagar |

 परळी शहरात कोरोना बाधितांचे संख्या दिवसेंदिवस वाढते आहे. तरीही नागरिक सोशल डिस्टन्सचे नियम न पाळता दुचाकीवर डब्बल व टीब्बल सीट फिरत आहेत.त्यामुळे दुचाकीवर फिरताना तोंडाला मास्क न लावणाऱ्या सोशल डिस्टन्स नियम न पाळणाऱ्याना आज सकाळी शिवाजी चौकात पोलिसांनी कारवाई करत दंड वसूल केला. नागरिकांमध्ये कोरोनाच्या बाबत कसलीही जनजागृती दिसून येत नाही. म्हणून आज (शनिवार) रोजी पोलिसांनी ही कारवाई सुरू केली आहे.

आज पासून दूरदर्शन वर सर्व विद्यार्थ्यांनसाठी आनंदाची बातमी ,  या चॅनलवर 1ली  ते 12 वी पर्यंतच्या अभ्यासक्रमवर कार्यक्रम होणार आहे. वेळ खालीलप्रमाणे: @१०:३० ते ११ इयत्ता पहिली ते पाचवी, @११ते १२ इ.६ वी ते ९ वी  व ११ वी. @१ ते २ इ.१० वी व १२ वी तरी सर्व विदयाथ्र्यांनी याचा लाभ घ्यावा. व पालकांनी या कामी आपल्या पाल्यांना मदत करावी हि विनंती .   -

परळी येथे बसस्थानका समोरील राजेश विभुते यांच्या हॉटेलमध्ये आज शिवभोजन थाळीची सुरुवात  रविवार रोजी स11 वा परळीच्या नगराध्यक्षा सौ.सरोजनी हालगे यांच्या हस्ते शुभारंभ करण्यात आला.संकटाच्या काळात ही योजना अन्नपूर्णा ठरत आहे.मुख्यमंत्री यांची सर्वात चांगली योजना म्हणजे शिवभोजन थाळी स्वतःचे घर नाही,रोजच्या जेवणाची भ्रांत आहे.ज्यांच्या घरात चूल पेटत नाही,अशा निराधार,बेघर अश्या परळीत गोरगरिबांसाठी संजीवनी योजना म्हणून सिद्ध होत आहे.

परळी येथील घरणीकर रोड ते अरुणोदय मार्केट कडे जाणारी नाली बऱ्याच दिवसांपासून कचऱ्याने पूर्ण पणे भरल्या मुळे नाली ब्लॉक होऊन नालीचे पाणी रस्त्यावर आले आहे,त्या मुळे सर्वत्र दुर्गंधी पसरत आहे तरी नागरिकांच्या आरोग्याचा विचार करून ब्लॉक झालेली नाली नगरपालिका प्रशासनाने लवकर खुली करावी अशी मागणी नगरसेवक प्रा पवन मुंडे यांनी आज सोमवार रोजी एका निवेदनाव्दारे केली आहे. अगोदरच कोरोनाच्या वाढत्या प्रादुर्भावाने नागरिक धास्तावलेले आहेत,लॉकडाऊन मुळे नागरिक घरात बसून आहेत मात्र घरणीकर रोड वरील नाली कचऱ्याने संपूर्णपणे भरल्या मुळे या ब्लॉक झालेल्या नालीचे पाणी आता रस्त्यावर आल्याने तेथे रोगराई होण्याची परिस्थिती निर्माण झाली आहे,नगरपालिका प्रशासनाला वारंवार सांगून सुद्धा याकडे कोणी  लक्ष देत नसल्याने तेथील नागरिक हतबल झाले आहेत आणि स्वतःचा जीव मुठीत ठेऊन जगण्याची वेळ त्यांच्यावर आली आहे,तरी न प प्रशासनाने सदरील गंभीर विषय लक्षात घेऊन तेथील नाली त्वरित मोकळी करावी अशी मागणी नगरसेवक प्रा पवन मुंडे यांनी केली आहे.

बीड सामाजिक न्याय मंत्री धनंजय मुंडे यांच्या प्रयत्नांना यश आले असून आता राज्य सरकारमधील सर्व कार्यालयांमध्ये सेवा देत असलेल्या दिव्यांग अधिकारी कर्मचारी यांना लॉक डाऊनच्या काळात कार्यालयीन उपस्थितीतून सूट देण्यात आली आहे. राज्य दिव्यांग कर्मचारी संघटनेने ही याबाबत मागणी केली होती. शासनाच्या सामान्य प्रशासन विभागामार्फत याबाबत शासन निर्णय जारी करण्यात आला असुन सर्व शासकीय कार्यलयातील दिव्यांग अधिकारी व कर्मचारी यांना आता उपस्थितीतून सूट देण्यात आली आहे. सामान्य व्यक्तीच्या तुलनेत दिव्यांग व्यक्तीची रोगप्रतिकार शक्ती कमी असते, अशा वेळी कोरोना सारख्या महाभयंकर आजाराची लागण होण्याची भीती अधिक असते. तसेच राज्यात लागू असलेल्या संचारबंदी मुळे वाहतुक व दळणवळणाच्या अडचणीही आहेत; याच पार्श्वभूमीवर सामाजिक न्याय मंत्री धनंजय मुंडे यांनी अशा सर्व अधिकारी कर्मचाऱ्यांना शासकीय कार्यालयात उपस्थित राहण्यातुन लॉक डाऊनच्या काळात सूट द्यावी अशी आग्रही मागणी केली होती. सामाजिक न्याय विभागांतर्गत येणाऱ्या अपंग आयुक्तालया मार्फतही याबाबतही या संबंधी शासन स्तरावर पाठपुरावा करण्यात आला होता. अखेर धनं...

 बीड जिल्ह्यात चिंचाळा येथील शेतकऱ्यांचा कांदा जळून गेला आहे. म्हणून शासनाने कांदा गेलेल्या शासनाने तात्काळ पंचनामे करून भरपाई द्यावी अशी मागणी येथील शेतकरी बाबासाहेब वाघुले यांनी आज (शुक्रवार) रोजी एका प्रसिद्धीपत्रकाद्वारे केली आहे. परतीच्या पावसाने व वातावरणातील बदलाने कांद्याचे पीक धोक्यात आले आहे. सध्या कांद्याचे पिक करपा रोगाच्या संकटात सापडलेला आहे. सकाळी पडणारे दव यामुळे कांद्यावर इतर रोगांचा प्रादुर्भाव वाढला आहे. 

परळी येथील महेश अर्बन को-ऑपरेटिव ऑफ बँकेचे मुख्य अधिकारी देवेंद्र सोनारे गेल्या पाच वर्षापासून परळी येथे कार्यरत होते.आज (शुक्रवार) रोजी सकाळी  परळी आंबेजोगाई रस्त्यावर कन्हेरवाडी घाटातील एका झाडाला त्यांचे प्रेत लटकलेल्या अवस्थेत आढळून आहे.  ते  (दि24)  पासून बेपत्ता होते. बँकेचे मुख्य अधिकारी यांचे प्रेत घाटातील एका झाडाला लटकलेल्या अवस्थेत आढळून आल्यामुळे  या भागात खळबळ उडाली आहे. आत्महत्या की खून  याबाबत अधिक तपास पोलिस करीत आहेत

परळी येथे कोरोना संसर्ग रोखण्यासाठी आरोग्य विभाग विविध उपाययोजना बाबत देखील कोरोना संदर्भात उपचारा संबधी प्रयत्न केले जात आहेत. आज जागतिक आरोग्य संघटनेचे सल्लागार डॉ समीर नवल यांनी परळी येथील उपजिल्हा रूग्णालयाला आज मंगळवार रोजी भेट दिली असुन Dedicated Covid Hospital ची प्रत्यक्ष पाहणी केली वैद्यकीय अधिक्षक डॉ रामेश्वर लटपटे यांच्या मार्गदर्शनाखाली असलेल्या डॉक्टर स्टाफ नर्स यांच्याशी संवाद साधुन मार्गदर्शन केले.उपजिल्हा रुग्णालयाची पाहणी केल्या नंतर येथील कोविड-19 संदर्भातील नियोजन व तयारी पाहुन समाधान व्यक्त केले WHO सारख्या जागतिक आरोग्य संघटना यावर काम कसे करतात याबाबत मार्गदर्शन केले. यावेळी उपजिल्हा रुग्णालयाचे वैद्यकीय अधिक्षक डॉ रामेश्वर लटपटे,डॉ वैभव दुबे,डॉ दताञय केंद्रे,डॉ अर्शद शेख,डॉ दिलीप गायकवाड,स्टाफ इन्चार्ज निता मगरे,मनिषा महाडकर,अलका जगदाळे,सविता चाटे,शिला कुलकर्णी ,सुजाता जाधवर अदी रुग्णालयातील स्टाफ उपस्थित होता.

अपघात....मध्य प्रदेश येथील मजूर ते जालना येथे लॉकडाऊनमध्ये अडकले होते. घराच्या ओढीने सर्व मजूर पायी रेल्वे रुळाच्या मार्गे निघाले होते. सटाना परिसरात ते रुळावर झोपले असताना मालगाडीने त्यांना चिरडले. या १४ जणांचा जागेवर मृत्यू झाला या धक्कादायक प्रसंगाची तिव्रता हदयालाही पाझर फुटेल आणि डोळ्यांच्या कढ पाणवल्याशिवाय राहणार नाहीत ..कवी तायडे यांच्या .. भूक-भाकरी आणि मृत्यूचे सौदागर आबाद राहोत..! ढाळू नयेत अश्रू कुणीही... फारच अगतिक असाल तर.. तुमचा आक्रोश ,असहाय्यता, चीड ,संताप सरकारी कागदात गुंडाळून ठेवा. आमच्या जाण्यामुळे काहीच फरक पडणार नाही उलट बोजाच  पडेल सरकारी तिजोरीवर, मरणोत्तर अनुदानाचा....! आम्ही आमच्या स्वप्नां सकट चिरडले गेलो  म्हणून चांगलं झालं कारण आमची स्वप्नांही आमच्यासारखीच दळभद्री स्वप्ने तुमच्या सो कॉल्ड डिजिटल इंडियाला व्हायरस सारखी वाटतात ... आमचे छिन्न-विच्छिन्न झालेले देह पुन्हा -पुन्हा दाखवून आता काय हो उपयोग आधुनिक मीडियाला...! आणि आमची "प्रेतं" परतणार का? आम्ही आमच्या मुलखात परतणार होतो,बरे झाले नाही परतलो, कारण.. तो मुलुख आमचा नाही , ...

 बीड  जिल्हा पोलिस अधिक्षक राजा रामास्वामी यांनी शुक्रवारी जिल्हाभरातील सर्व पोलिस ठाण्यांना भेटी देवून कायदा व सुव्यवस्थेचा आढावा घेतला. दिंद्रुड पोलिस ठाण्याच्या अधिकारी व कर्मचारी यांची आस्थेवाईकपणे चौकशी करत पोलिस कर्मचाऱ्यांचे जीवनमान उंचावण्यावर आपण भर देणार असून, कर्मचाऱ्यांनीही त्यांच्या काही अडचणी असतील तर त्या मला थेट कळवाव्यात असेही सांगितले. येणाऱ्या काळात बीड जिल्ह्यातील गुन्हे कमी करून घडलेल्या गुन्ह्यांच्या तपासाला जास्तीत जास्त गती देण्यासाठी सर्वांनी प्रयत्नशिल रहावे असे आवाहन केले.